Dialettali 10 luglio 2019 · lettura 1 min · 1412 letture

+ Segui

Guardannete chist’uocchie ‘a vita è ccà ogge è ‘o mumento pe’ l’accumincià e essa ca è priata ‘e sta cu te cunfessa ca se sente pinta ‘e rrè... S’è miso ‘ncoppa ’o trono stu mumento e aspetta chiena ‘e forza e sentimento e guardannete penza ca dimane te portarrà cuntento assaje luntano. Essa è ‘a speranza ca te fa danna’ ‘o male ‘e panza ca te fa scria’ ‘a passione ‘e nu core masculino ‘e ogne menestella ‘o petrusino. Essa è cummara amante o vucculona e sempe canta e ogne tanto sona e cantanno e sunanno te fa ‘a corte e alliscia pazzianno ‘e cose storte. E allora cu stu juorno e pe’ cient’anne nuie t’augurammo sempe ‘e meglie panne c’a certezza ca essa t’accumpagna cu tutt’o genio senza se fa’ lagna!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese