Dialettali 28 agosto 2019 · lettura 1 min · 1306 letture

+ Segui

Si ‘e chiacchiere putessero allumma’ st’Italia fosse ‘o meglio fucarone purtasse luce a sta pupulazione ca campa c’a speranza ‘e s’abbenta’. Si ‘o tiempo fosse oro e no cundanna ’a gente se stracciasse ‘a cuollo ‘e panne pe dà a sta terra ‘a meglia riverenzia mente ca corre sulo p’a spartenzia. Si ‘a museca ca sente suna’ cca tenesse core fosse vita e ammore e invece è sulamento sceriamiento e dint’e recchie trase ‘o poco ‘e viento. Si ‘a sciorta se putesse arravuglia’ pigliasse chisti quatte sapunare e tutt’aunite t’e ghiettasse a mare e allora se turnasse a risciata’. Si ‘e maste ca cumannano cca dinto avessero nu poco ‘e dignità st’Italia te facesse ‘o pilo e ‘o pinto mente ca serve sulo pe sgana’. Si ‘o suonno fosse carne e no sta neglia ca ‘mpapucchiea e lassa sulo ‘a sbreglie turnasse a tutte ‘a voglia ‘e zezzennia’ e fosse l’ora bbona ‘e se scetà!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese