Dialettali 25 settembre 2019 · lettura 1 min · 1170 letture

+ Segui

Vieneme ‘nzuonno, amico mio, ogne tanto! Damme na mano, famme cumpagnia. Te penzo ma sta chiocca è paraguanto e chesta strata nun me pare ‘a mia. Famme resta’ nu poco assieme a te comme facevo quanno sfasulato durmevo ciuccio e me scetavo rre e ‘o sole se cuccava int’o vruccato. Famme senti’ ‘e rise e pure ‘e chiante quanno stu munno era ddoje semmente e ‘o juorno spassuliava a fa’ ‘o viannante... ‘A vocca toia risponne e rente rente me spieca:” ‘Mparaviso sto cu ‘e sante ma senza ‘e te so’ spierto e so’ pezzente! ‘O cuorpo è scanuscente ma ‘o sole ca cca ‘ncoppa nun è jonta: è luce ca ce scarfa e maje tramonta."

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese