Dialettali 2 ottobre 2019 · lettura 1 min · 1208 letture

+ Segui

E ‘ncoppa ‘e spalle ‘e nu gigante nano io ce saglievo senza ave’ paura e ‘o cielo se tuccava cu na mano e ‘a strata nun mustava nervatura. E dint’e bracce ‘e chesta chianta rara io so’ crisciuto senza patemiento e ‘a notte se cuccava fresca e chiara e ‘o juorno se scetava faglio ‘e viento. E ‘ncoppa ‘a fronte ‘e chesta terra antica io ce truvavo genio e magaria e ‘o sole nun sapeva maie ‘e fatica e ‘a luna scancellava ‘a frennesia. E dint’o core ‘e chistu puorto allero io me sentevo overo na criatura ma ogge ‘o munno nun’è cchiù sincero e ‘a vita se smatassa fredda e scura. E mo’ ca songo viecchio e nun so’ nonno ie m’arricordo ‘o tiempo tuoio patuto e campo cu pacienza comme a fronna ca attenne ‘e scumpari’ quanno è fernuto.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese