Dialettali 9 ottobre 2019 · lettura 1 min · 1158 letture

+ Segui

‘A pace ca me piace nun guarda ‘nfaccia a’ ggente nun guarda ‘nfaccia a niente. E’ annura ma è vestuta è muta ma è sentuta. ‘A pace ca me piace è ricca e fa ‘a pezzente è fredda e gghiè vullente... ‘E ‘o sole ‘e mezanotte ca splenne e se ne fotte. ‘A pace ca me piace è ‘a vita ‘e chesta vita semmenta ‘ncapunita ca cresce sana e forte e joca ‘nnante ’a morte. ‘A pace ca me piace sta cca dint’a stu pietto... Nun trova maie arrecietto e quanno scenne affunno pe’ te p’o rrè p’o munno t’afferra chiocca e core t’accatta e venne ammore. ‘A pace ca me piace so’ l’ate tu songo io ca figlie a ‘o stesso dio avessemo capi’ ca tutto va a ferni’... Ca ‘a nu mumento a n’ato se ‘ncapunisce ‘o Pate ci acchiappa a uno a uno e fa nu nuvantuno. E allora... piace o spiace... sarrà pe’ sempe “A PACE”.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese