Dialettali 16 ottobre 2019 · lettura 1 min · 1122 letture

+ Segui

Vulesse ca stu cielo cu sta luna facesse pe’ ‘ntramente ‘a serenata a chesta bambenella scunzulata ca cu duie uocchie ‘e fravula pittata me dice senza dì meza parola ca ogge ‘a vita se ne torna a’ scola... Vulesse ca sta terra cu stu mare mettesse ‘a vesta bbella ‘e l’alleria e ca rialasse a sta passiona mia ‘a forza ca po’ dà n’Avemmaria mente int’o lietto ‘e nu ricordo antico pure ‘o turmiento s’è scetato amico... Vulesse ca stu tiempo cu chest’aria sapesse quanno è sciascio chist’ammore ca va sbarianno senza cunta’ ll’ore e miez’a ggente fa l’apparatore niro e picciuso comme a na tempesta ca s’appresenta justo quanno è festa... Vulesse ca stu core cu stu sole trasesse dint’o sango ‘e sta jurnata ca sta aspettanno fresca e ‘ncannaccata areto a chesta lastra senghiata e conta puntualmente ogne minuto e puntualmente va cercanno aiuto...

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese