Dialettali 6 novembre 2019 · lettura 1 min · 1402 letture

+ Segui

E canta e se sente sta vita ca saglie e ca scenne sbanita tenenno int’a sacca ll’ammore ca ‘e vote fa sulo rummore cu chesta tempesta ‘mmeriosa ca passa p’o core e p’e stelle scazzate guagnaste e zitelle. E comme fernesce ‘a nuvena ‘o sango nun sposa cchiù ’a vena. E gira c’a luna sta sciorta ca scorre ogne juorno cchiù corta speranno ca ‘o cielo l’arape nu sole cchiù ‘nzisto e nun sape ca ‘o tiempo nun tene rilorgio e conta o nun conta ‘o minuto nun reje e nun dà n’ombra ‘e aiuto. E comme se ‘nchiude ‘a fenesta s’addorme e cchiù niente le resta.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese