Dialettali 4 dicembre 2019 · lettura 1 min · 1445 letture

+ Segui

Zampogne e zampugnare so’ addeventate rare e si quaccuno vene nun canta cchiù ‘e nuvene ma fa tre o quatte sciusce e tu guagliò t’ammusce pecché chistu Natale è sulo p’e giurnale. Zampogne e zampugnare song’ove ‘e putecare e si squaquiglie ‘a voglia ‘a chiocca toja se spoglia annante e areto ’a porta e ‘a ggente chiamma ‘a sciorta e appiccia dduje biancale cantanno ca è Natale. Zampogne e zampugnare erano semmentare e si ce pienze bbuono cercavano ‘o perduono p’e tutte ‘e disgraziate ca tu sentive frate e dint’a stu stivale ce stive tu e Natale. Zampogne e zampugnare so’ rogne e songo amare e si stu core spie tu nun canusce ‘e vie e attienne ca ‘a cumeta s’appizza e fa ‘o prufeta dicenno puntuale c’adda’ turna’ Natale.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese