Dialettali 11 dicembre 2019 · lettura 1 min · 1925 letture

+ Segui

Vulesse nu presebbio piccerillo c‘a grotta sott’o cielo nu puntillo pasture pecurelle e ‘o diavulillo ‘o ciuccio e ‘a vacca ‘e lato a Ddio tatillo. Nu San Giuseppe giovane e cianciuso ‘a Madunnella int’a stu pertuso ca accarezzasse ‘o Ninno penzieruso cu l’angelo celeste pettemuso. Zampogne e zampugnare turriacale ca sonano ‘a nuvena urigginale e tanta ggente dint’a stu funnale c’a stella ca te spieca ca è Natale. Erode t’o mettesse a fa ‘o ‘nfamone Gennaro ‘o salumiere ‘o capitone ‘a frutta quatte cioce e ‘o tavulone cu struffole spavette e nu mellone. E tutt’aunite assieme a spuzzulia’ cu ‘e tre rre mage pronte a se sciala’ ‘ncopp’a sta terra justo p’abbraccia’ ‘o Bammeniello ca ce fa abbenta’! Che bella cosa che granne preggiaria chistu presebbio è proprio cassesia e allora scrivo e leggio sta poesia e po’ t’a canto ca è surtanto ‘a mia.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese