Dialettali 26 febbraio 2020 · lettura 1 min · 1986 letture

+ Segui

Io schiatto si tu schiatte primma ‘e me tu cante e i’ ca sono nun m’ addono ca ‘o sole nun ce scarfa cchiù pecché ’o viento è assaje mmeriuso e vò sta ‘ntrono. Tu siente sulamente sta ventata ca saglie scenne e trase dint’e vene c’o sparpeto ca dà na pugnalata perciata doce doce e fatta ‘e pene. Nuie simmo ddoje feneste ddoje lumere una è appiccicata e l’ata nun funziona ddoje note accatastate janche e nere ’a primma è muta e ‘a seconna trona una è cecata e po’ chell’ata vere. Nuie simmo ddoje cummare ‘e l’ora nona e chesta è ‘a vota bbona ca ‘a ‘mmiria nun se cocca c’o scunnietto e zuca notte e juorno ‘a n’atu pietto.

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese