Dialettali 4 marzo 2020 · lettura 1 min · 2437 letture

+ Segui

E marzo s’appresenta suspettuso c’o diciannove ‘nzisto e ‘ncapunito cu na curona ‘ncapo fatto ‘e vrito c’a faccia ‘e vecchiariello temmeruso. E ‘a gente mo’ se sente pronta all’uso c’o sole ca me pare rimbambito cu l’acqua ca nun scorre senza invito c’o core ca s’astregne e fa ‘o schiattuso. E marzo se ‘ncapriccia pe’ vede’ si ‘o cielo s’è scurdato ‘a primmavera ca tarda e ca non po’ maje sustene’ sta smania ca ce piglia surecera c’o viento e c’a cazzimma cchiù sciuvè durmenno cu sta vita cuscenera. E comme a na mugliera s’assetta ‘nnante ‘o fuoco pe’ stuta’ sta ‘nziria ca nun sape cchiù appiccia’.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese