Dialettali 15 aprile 2020 · lettura 2 min · 1265 letture

+ Segui

Ciceremmuolle ciceretuoste songo penziere nun songo supposte so’ chelli cose ca vanno p’e nase e pazzianno te cercano ‘e vase uno pe’ te e uno p’a mamma tanto nun sape si doppo fa ‘a famma cu tutta ‘a forza ca tene l’ammore pecché c’o mele se cagna ‘o sapore te scassa ‘e corne e t’acconcia ‘a miseria a chesta vita ca cerca ‘a sciammeria. Cicere bbelle cicere bbrutte tu pe ‘ntramente c’a ‘nchiosta ce futte cu chesta smania ca cagna mugliera (pare na nenna ma gghiè surecera) mieze a sti strate ‘ncopp’a sta via addo’ na zappa s’avota a poesia pecché se crede overo n’artista mente ca enno fasulo e pallista e allora venne na preta pe’ lardo mente ‘e sta vita è ‘o nu granne busciardo. Cicere sicche cicere chiatte fora ‘a fenesta ce sta chi se sbatte cu chesta vocca ca merca e defietto spenne parole pe’ fa’ nu despietto e ‘ncoppa ‘a carta vulenno ‘mpazzi’ ‘nzerra sta penna e te fa ‘ntesechi’ tutt’e bellezze ‘e stu munno scujetato ca pogne spogna e se sceta ‘nzevato e po’ te stona e cuntinua a strippa’ propio sta vita ca vene e ca va’. Cicere muorte cicere vive ie magno arraggia e tu piecuro bive e ‘a faccia ‘e l’ate t’agguazza c’o vino miez’a sta gente ca spicca latino ‘ncoppa a sta terra dint’a stu munno addo’ ‘o quadrato addeventa retunno sulo si appiccia sta lampa int’a notte ca senza lumme te stregne e te fotte e allora oilloco oicanno e oillanno p’o rrè e p’a vita mannammo stu banno.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese