Dialettali 22 aprile 2020 · lettura 1 min · 1254 letture

+ Segui

‘O primmo bello tuosto e ‘ntessucuso cu na mossa ‘e cane guallaruso addimmanna deciso: “Chi ha pisciato? Dicesse ‘a verità stu scrianzato.” ‘O siconno nu poco amareggiato se guarda annante e dice spiccecato: “Ie nun so’ stato! Nobbile e signore ie certi cose ‘e faccio cu l’addore.” ‘O terzo nun se smove e resoluto sentenneso guardato appagliaruto: “Mia bella gente che vulite ‘a me? Nun ‘a putevo propio trattene’!” Allora ‘o quarto Emmanuele ‘o guappo allucca pe’ spara’: “Ie mo’ t’acchiappo stu coso stremmenzuto e musciariello e ‘o taglio cu na botta ‘e stu rastiello.” E’ storia overo o ‘nciucio arricamato? N’o saccio “miei signori” ma è accertato ca ‘e notte ccà ce sta na smanecata e appena schiara juorno na pisciata.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese