Dialettali 3 giugno 2020 · lettura 1 min · 1308 letture

+ Segui

Vulesse ave’ na pazza primmavera c‘o sango ca se sbatte fin’a sera c‘o core ca me canta notte e juorno afora a sta fenesta senza scuorno. Vulesse ave’ na smania pe’ mugliera ‘a voglia ‘e fa sbucca’ na cafettera na chiorma ‘e piccerelle pe’ cuntuorno ca ‘mprufumasse ‘a vita ainto e attuorno. Vulesse ma m’accorgo ca stu sole se mette a fa’ int’o cielo ‘e capriole. Vulesse ma stu tiempo enno lappuso e ll’ore songo ausate pronte all’uso. Vulesse ma sta notte è pellerina e scenne dint’a l’ossa a fa’ ‘a mappina. Vulesse ma è matina e mente va cuntanno ca è ‘ngialluta sta ‘nfame s’alluntana e me saluta.

♥ 3 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese