Dialettali 8 luglio 2020 · lettura 1 min · 1166 letture

+ Segui

Nu sorece studente se truvaie, mente sbariava pe’ l’università chiammata “La Sapienza” granne assaie, miez’a na chiorma emerita ‘e lampiune ca spertusava ‘o tiempo a se sciuscia’: “Che vole stu Francesco l’argentino ca addà veni’ cca dinto a ce parla’? Se stesse a casa soia a fa’ ‘o latrino: nuie sule cca sapimmo lampia’!” E tutta ‘a bella chiorma s’appicciaie juranno riscienzielle in quantità e sotto a nu papiello se firmaie: “Siamo la quint’essenza, ‘a verità! Chistu Bregoglio ca rappresenta ‘e guaie nel nostro tempio che ce vene a fa’?” ‘O sorece studente ce penzaie, dicennese int’a chiocca: “’A verità?... Sarrà ‘a munnezza ca confonne ‘a mente, l’aria ‘mpacchiata ‘e fummo scanuscente ca fa sti maste allere sputazzia’, capace ‘e sentenzia’ d’amorcunzente ‘ncoppa a na cosa ca nun po' strubba’... E po’ chi te fa scola overamente ‘e porte arape e maie t’e fa ‘nzerra’!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese