Dialettali 28 agosto 2020 · lettura 1 min · 1117 letture

+ Segui

Depresso so’ depresso tutta ‘a vita sempe ‘o stesso notte e juorno dint’o cesso! ‘A colpa nun è ‘a mia! E’ ‘a malatia ca m’ha pigliato ‘a capa e ‘a purcaria ‘a trovo dinto e fora ‘a fauzaria ca venne accatta e spara ‘a litania. Depresso so’ depresso ie v’o dico e v’o cunfesso senza chiedere permesso! ‘A sciorta è na guagnasta è guittaria na perchia ca ‘m’astregne... lotteria cu ‘e nummere ca fanno pulizia int’a sta chiocca vosta e pure ‘a mia. Depresso so’ depresso so’ nu sciore circonflesso e pe’ chesto carma e gesso! ‘A raggia ca m’afferra è puntaria astregne piglia e ‘ntosta ‘a fantasia e comme me dicette zi’ Maria sì nato senza core e cassesia. Depresso so’ depresso tutta ‘a vita sempe ‘o stesso notte e juorno dint’o cesso!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese