Dialettali 16 settembre 2020 · lettura 1 min · 1094 letture

+ Segui

E te putesse dicere che sento che voglio che me manca e che me sonno ma sta staggione nun me pare ‘a mia e passa arrecamanno ‘a sanzaria. E te putesse mettere ddoje dete ‘ncopp’a sta vocca muta e pettemosa ma ‘o tiempo tuojo cerca ‘a smuccaria e regne sti jurnate ‘e vrennaria. E te putesse scosere sta sacca ca svancantuta pare na pezzente ma ‘e sorde nun te portano alleria e ‘o bbene nun s’accatta c’a poesia. E te putesse vencere sta freva ca piglia e te guverna chesta vita ma ‘o sango scorre e percia ‘a ciucciaria e ‘o sale nun fa doce na buscia. E te putesse ognere sta chiocca c’a vrenna d’a sciurdezza e d’a priezza e ‘o faccio cu sta lampa tutta mia c’abbruscio ogne matina: è cassesia!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese