Dialettali 7 ottobre 2020 · lettura 1 min · 1440 letture

+ Segui

E scrivo tutto chello ca vuò tu ca chesta vita è ‘a meglia fantasia ca o core ca nun sbatte è fessaria ca ‘e vase songo pegne e no zuzù. E dico quatte cose e me sto zitto ca ‘o sole s’è scucciato e te scarfa’ ca ‘a luna t’accumpagna pe’ paria’ ca ‘e stelle so’ stutate e ie songo afflitto. E canto cu sta voce ‘e speretato ca ‘e verze se so’ mise a fa’ ‘e nennille ca ‘e note ca te sono songo strille c’a chiocca mia nun sape c’ha ‘nzertato. E giuro ogne mumento carna mia ca ‘o bbene è nu capriccio è nu pertuso na fronna ‘mbraccio ‘o viento artetecuso na vocca ca nun parla e fa poesia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese