Dialettali 14 ottobre 2020 · lettura 2 min · 1158 letture

+ Segui

‘O bbene e ‘o mmale...’o stesso vencetore so’ tale e quale... so’ turmiento e ammore. Tu pienze ca so’ frate scasualmente e invece songo frate overamente. E mente ‘o primmo dorme dint’o lietto chill’ato sotto è attato a nu dispietto... e mente l’ato dà nu vaso ‘nfaccia ‘o mmale t’apprepara na minaccia. ‘E truove sempe assieme senza pressa pronte pe’ te servi’ priate ‘a messa... e mente na resata t’accumpagna na lacrema ‘nziriosa vene e magna e ‘a tavola ca ‘e juorno era allera s’assetta ‘ntussecata a primma sera. E tu addimmanne a chesta vita nosta si songo finte oppure ‘o fanno apposta e essa te risponne: “Che vuò fa’? Sulo cu uno nun te può sazia’! So’ nate assieme e aunite vonno sta’ pe’ tutto ‘o tiempo ca te toccarra’.” So’ fatte pe’ te cosere sta vita ca amara e acquazza è pure sapurita e l’uno senza l’ato nun po’ sta’ e l’ato ‘mbraccio ‘o primmo vò abballa’. Angelo e diavolo priezza e dulore Inferno e Paraviso ‘e ogne core. Tu pienze ca so’ frate digraziate e invece songo frate affurtunate.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese