Dialettali 21 ottobre 2020 · lettura 1 min · 1282 letture

+ Segui

E ‘o core te cerca e ‘o core te chiamma giuranno ca è pronto ca è pronto a fa’ ‘a famma pecché vò arriva’ spaccanno ‘o dimane addò chesti mane nun ponno scava’. E ‘o core se perde e ‘o core te trova scanzanno nu suonno ca è stracquo ‘e fa’ ‘a notte pecché vò spezza’ turnanno criaturo stu munno e stu muro ca ‘nnante te sta. E ‘o core se torce e ‘o core t’abbruscia ‘nzammanno nu sole ‘ncurdato a fa’ juorno pecché vò sgama’ ‘nzertanno ‘a matina sta sciorta mappina ca tarda a ‘ncalla’. E ‘o core sbarea e ‘o core ‘ntrunea sbianno nu viento ca ‘nforra ‘a tempesta pecché vò schianta’ trasenno int’a cesta sta freve maesta ca ‘o sango po’ da’. E ‘o core se ‘ncanta e ‘o core te vanta rignenno stu tiempo schiattuso e vacante pecché t’he ‘mparato luttanno p’a vita ca ‘a meglia partita sì pronto a juca’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese