Dialettali 11 novembre 2020 · lettura 1 min · 1079 letture

+ Segui

‘O saccio ca so’ pronto p’a nuvena. Dato l’età ie tengo ‘a sacca chiena c’o tiempo perzo e chillo arrepezzato ca ‘o sanghe cu sta vita s’è assanguato e gira vota e gira delegente putenno fa surtanto ‘o ‘mpertinente. ‘O saccio si so’ verde oppure russo ca ‘o core tremma e preia sotto a stu musso e ‘o riesto nun m’abbasta nu mumento ca ‘o sciorta parla ‘e freve e sacramento pe tutte ‘e bbelli ccose c’aggio avuto e nun m’e ‘porta appriesso int’o tauto. ‘O saccio ca si chiamma so’ presente pure schiattanno senza fa ‘o samente e senza maje mustrarme sfaccennato ie pozzo di’ chi songo e aggio ‘mparato ca ‘a ggente te ‘ncurona e t’avvelena sunanno quacche nota ammalapena. ‘O saccio ca stu suonno mio è fernuto e ca s’è perzo ogn’anno arruzzunuto areto a quatte cioce assaje cuntento ‘e metterse a paria’ c’o sentimento mmiez’a sti doje madamme e pietterusso se metta a cantaria’ ca è robba ‘e lusso.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese