Dialettali 18 novembre 2020 · lettura 1 min · 1201 letture

+ Segui

’A ggente attuorno gira ’a ggente attuorno parla spercianno comme a tarlo... E’ ggente ca s’a tira ca coglie p’a campata... E’ ggente acciuppecata! Chiarchiosa e parlettera te spogna e va a bannera... Schiattosa e renzaiola è ggente senza sola! ’A ggente attuorno ‘o saie ’a ggente appiccia e stuta te fotte e nun t’aiuta... E’ ggente ca fa ‘e guaie ca more p’a preggiata... E’ ggente arrepecchiata! ’Mpustata e pettemosa te ‘nzerra e lassa ‘nfosa... Pezzente e rusecona, è ggente troppa bona! ’A ggente attuorno smiccia ’a ggente attuorno scagna po’ ‘ntrona ca è cumpagna... E’ ggente ca se ‘mpiccia ca vasa e po te sputa... E’ ggente addecuttuta! O nobbele o furese te ponta e te fa ‘e spese... Devota e cristiana è ggente ‘e bonalana!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese