Dialettali 16 dicembre 2020 · lettura 1 min · 930 letture

+ Segui

E’ nasce int’a sti core ‘o canto ca ’mparanza se ‘ntrocchia chianu chiano pe’ fraveca’ ‘a dimane ‘a voglia ‘e semmena’ ‘a forza ‘e accumincia’. E nasce int’a sti vene ‘o canto ‘e na mancanza ca nun s’arrenne maie ca scorre po’ addò vaie pecché te sta a cerca’ pe’ nun te fa’ danna’. E nasce int’a stu juorne ‘o canto d’a mastranza ca vene a signa’ ‘a via cu ‘e passe ‘e na Maria pe’ farte ‘a vita auna’ pecché te vò sarva’. E nasce int’a stu cielo ‘o sole ‘e l’abbunnanza ca scarfa chesta vita c’a fa cchiù sapurita putenno stupetia’ sta bella umanità. E nasce int’a sta notte ‘o canto ‘e na speranza ca scenne ‘a coppa ‘a croce cu sanghe vivo e doce currenno a t’annunzia’ ca ’o Ninno nuosto è cca!

♥ 3 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese