Dialettali 6 gennaio 2021 · lettura 2 min · 1052 letture

+ Segui

A te ca tiene ‘a vocca sempe aperta ‘a cora scamazzata ‘e na lacerta. A te ca chesta sacca è sempe asciutta ‘e nu bisogno na chiantella strutta. A te ca chiagne ‘e guaje matina e sera ‘e corna cunzumate ‘e na mugliera. A te ca vaje sbarianno juorno e notte nu cuozzo smullecato e ddoje pagnotte. A te ca stute ‘o sole e appicce ‘e suonne ‘e chesta sciorta ‘nfosa quatte fronne. A te ca miette ‘o fuoco dint’a l’acqua na scella pettemosa nata stracqua. A te ca cu ‘a furtuna vaje d’accordo chello ca primma saccio e po’ m’o scordo. A te ca sotto ‘e piere sì nu fieto nu poco ‘e freva ‘e maggio justo areto. A te ca pienze e scrive duje scunniette ‘e ammore ‘ncaucenato tre carrette. A te ca sì zuzzuso e vaje a sissanta nu nuozzolo sgravato ‘e legnasanta. A te ca pienze sempe ‘o malamente na sporta ‘e verità e ddoje semmente. A te ca cunte ‘e pile c’o cumpasso na ‘nzerta ‘e fantasia e ‘o poco ‘e spasso. A te ca Gesù Cristo l’aie vennuto nu vaso ‘ncopp’a chiocca ‘nfucetuto. E a te ca doppo n’ora sì scuntento ‘e chesta vita bella ‘o sacramento.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese