Dialettali 13 gennaio 2021 · lettura 2 min · 977 letture

+ Segui

Nummere e sciorta che me ne ‘mporta si ‘a vita è storta! Che pozzo fa’? Nummere e sorde chi s’arricorda? Ce vò ‘a caiorda p’e fraveca’. Nummere e vramma servesse ‘a ramma pe chesta famma p’a fa’ sciarra’. Nummere e sfunno ‘ncoppa a stu munno cercalle a funno pe t’e schiuva’. Nummere e viento basta c’o stiento! Freve e turmiento s’anno schianta‘. Nummere e ‘nzogna tengo abbisogno. Fernesse ‘a rogna primma ‘e svavia’. Nummere e sghizze, chi l’accapizza? Pe tutte ‘e pizze le sto a cerca’. Nummere e croce, addò sta ‘o doce? Desse na voce pe m’attumma’. Nummere e terno uè Pataterno ogge ‘a quaterna famme piglia’! Sette e trentuno diece e ottantuno mille miliune pe fa’ ‘o pascià. Nummere e ‘mbruoglie quanno arrecoglio cu tutte ‘e voglie m’aggio abbuffa’. Nummere e schiocca dint’a sta vocca comme ammilocca s’anno ‘nchiacca’. Nummere ‘nziste dint’o canisto ascite a vista ca sto a pria’. Nummere belle neh Madunnella cu sta manella falle scama’! Nummere e vuto nun site asciute. Site curnute! Mo’ c’aggia fa’? Nummere e sciorta mannaggia ‘a morte! Sta malasciorta nun vo’ sterna’. Nummere e lampe nu poco ‘e scampo! Pure si è n’ambo: m’abbastarra‘!...

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese