Dialettali 27 gennaio 2021 · lettura 1 min · 1049 letture

+ Segui

‘A scola nosta è chella ca dice sempe sì addò ce può trasi’ senza cerca’ permesso senza pava’ ‘nteresso. ‘A scola nosta è ‘a sciorta ca piglia ‘o viento ‘e faccia c’o sole dint’e braccia luttanno ciento vote senza cagna’ maje rota. ‘A scola nosta è fatta cu prete abbalurate cu suonne spullecate senza scarta’ nisciuno sfamanno a uno a uno. ‘A scola nosta è ‘a vita ca sbatte int’a sti mane pigliannese ‘o dimane propio pe’ te cerca’ iusto pe’ te truva’. ‘A scola nosta è ‘a mamma ca nun te lassa maje e resta llà addò staie pecché te cresce ‘nzino comme a nu pullecino. ‘A scola nosta è ‘a vrenna ca dà sapore ‘o piatto e maje te manna ‘o sfratto e comme tu ce trase te passa ‘a pecundria e scrame raso raso: “ È chesta ‘a scola mia! ”

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese