Dialettali 24 febbraio 2021 · lettura 1 min · 1074 letture

+ Segui

Che puzza che fieto che lota stu munno zuzzuso è na rota ca gira spannenno munnezza. È overo na granne schifezza! Che lota che puzza che fieto! Se trova sia annante ca areto e chesta è ‘a cchiù fresca crianza ca enchie sta chiocca e sta panza. Che fieto che lota che puzza! So’ ‘e corna ‘e na vecchia maruzza ca sputa e te ‘nguacchia p’a vita sta terra ca è nata pulita. Che puzza che fieto che lota! Sperammo ca cagna e s’avota e ‘a ggente se ‘mpara a campa’ putenno ogne buco appila’. Che puzza che lota che fieto vulesse sta carmo e cuieto ma ‘a ‘nfama te spara fasule e certo so’ chiuove e rasule. Che lota che fieto che puzza ‘a sciorta sti juorne è na ruzza e ‘o tiempo ca è senza scadenza te chiamma e te scrive ‘a sentenza.

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese