Dialettali 3 marzo 2021 · lettura 2 min · 1084 letture

+ Segui

Peppe ‘o satiro è fetente tene ‘a vocca ca è cucente ca t’appiccia chesta e chillo cun nu verzo e nu vasillo nun se ferma e nun se strure face ‘e meglie stirature. Peppe ‘o satiro ‘o sapimmo pe’ fa’ ‘o ffuoco è sempe ‘o primmo nu cerino e fa na fiamma ca bruciasse pure ‘a mamma cu sta penna renzaiola ca ha ‘mpustato ‘a peggia scola. Peppe ‘o satiro è latrino ‘nchiavecato e malandrino stace sempe pronto e tuosto è ‘o cchiù granne faccetuosto tene ‘e corna magna sale pepe e nzogna ‘e nu giurnale. Peppe ‘o satiro è samento chiocca triste e ie so’ cuntento quanno allumma sta vrasera pe’ scarfarse a primma sera cu ‘e parole cchiù turnite cu ddoje ‘ntenne sapurite. Peppe ‘o satiro è adderuso saglie e scenno p’o pertuso pecché ‘a vita l’ha ‘mparato tutte’e zelle...è nu sciaurato e siccomme cerca pace ‘e sta zitto n’è capace! Peppe ‘o satiro s’a tira enno figlia a zi’ Palmira ommo ‘e pece e cacciuttiello tene ‘nmano nu curtiello ca nun taglia ma che sfotte Peppe ‘o satiro te fotte!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese