Dialettali 10 marzo 2021 · lettura 1 min · 1173 letture

+ Segui

Cielo ca regne cielo ‘e nonna- nonna cielo ca guarda ‘a vita e l’accarezza sotto ‘a sti chiante ‘e aulive che priezza! ’Ncoppa a sti fronne ‘e argiento e che madonna! E mente sto accussì famme addurmi’ speranno ca stu suonno nun fa ‘o fesso vulenno ca po’ fosse sempe ‘o stesso nun ‘mporta si po’ doppo addà ferni’! E allora ‘a vita è bella e cravattara miezo a sti strate sotto a sta muntagna ’o mare doce e amaro l’accumpagna e ‘nchietta a chesti onne s’arrepara. E ‘mbraccio ‘o suonno vocano ‘e penziere ca fanno ricco st’anema pezzente ca propio quanno ‘o juorno è cchiù cucente lassa ‘o dimane e allero astregne ajere. Terra ca daje calore e nustalgia terra d’o sole terra ’e sanghe ‘e mare famme abbenta’ e appicce ddoje lampare mente ca faie cchiù prena ‘a vita mia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese