Dialettali 17 marzo 2021 · lettura 1 min · 1011 letture

+ Segui

Ca si fosse na criatura m’addurmesse sempe annura dint’o suonno ‘e na speranza ca fa ‘e cunte c’a mancanza. Ca si fosse na guagliona m’addurmesse all’ora nona e lassasse areto a porta chesta vita sporca e storta. Ca si fosse signurina m’addurmesse int’a matina e me stesse dint’o lietto pe’ fa’ a ‘o core nu dispietto. Ca si fosse na signora m’addurmesse int’a cuntrora e facesse ‘a sfummecata pe’ sta smania ‘nzuccarata. Ca si fosse na gran dama m’addurmesse na semmana c’o curaggio ‘e chi se sente notte e juorno ancora ardente. Ca si fosse femminista m’addurmesse a prima vista sotto ‘e mane d’a procura ’e na fresca sperciatura. Ca si fosse na bizzoca m’addurmesse ca siloca ’e sta vocca curallina ca se ‘ndustria e ve strascina. Ca si fosse vecchiarella m’addurmesse c’a venella fatte ‘e tiempe spetturate ca se songo arremescate. Ca si fosse comme so’ m’addurmesse primma ‘e mo’ pecché tanto chi me sape quanno busso nun m’arape!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese