Dialettali 24 marzo 2021 · lettura 1 min · 1078 letture

+ Segui

Primmavera tu chi sì? Nun te veco ‘e accumpari’ miez ‘e strate ‘e sta galera ca s’è fatta spitalera e te sfronna a chisto e a chillo c’a sciurdezza ‘e nu vasillo. Primmavera tu che vuò? Staje pazzianno cu ‘e perciò e perciò sì ‘ncarugnuta int’a chiocca ormaie fernuta ca se segna ogne matina tutt’e passe ‘e sta duttrina. Primmavera nun stizza’ cchiù nun farme scapizza‘! Miette ‘ncuollo ‘a vesta bbella accarezza sta manella ca se crede appena nata mente invece è ‘ncatenata. Primmavera pe’ sape’ comme pozzo sustene’ chesta vita ‘ntruppecosa ca s’è fatta schizzegnosa nun me penza e nun me cerca e me pare ‘a stessa merca? Primmavera dimme tu si so’ ramma o nu puppù si aggia mettere na nocca ’ncoppa ‘a lengua ‘e chesta vocca e si ‘a sera appena è scuro m’annasconno areto ‘o muro.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese