Dialettali 5 maggio 2021 · lettura 1 min · 1114 letture

+ Segui

‘O sole ca è ‘nzerrato int’a sti braccia m’astregne e dà calore a chesta vita curannela cu arte si è ferita scanzanno mare viento e ogne menaccia. ‘O sango ca te sbatte int’a stu core m’ha dato tutt’a forza ‘e scarpettia’ sbarianno miezo a chesta società ca stuta e appiccia ‘a luce ogni tre ore. ‘O tiempo ca è annuccato int’a sta scumma me stipa ciento juorne furtunate me stegne mille notte spantecate e ‘a vocca s’annasconne e me sprefumma. ‘O cielo ca resplenne ogne dimane me conta ca sì mamma overamente e ‘a voglia ‘e te canta’ miezo a sta ggente m’afferra e me cumanna chiocca e mane. ‘A vita ca m’ha dato chesta sciorta te chiamma e si te trova t’arrefonna mente ca tu me canta ‘a ninna nonna e adduorme cu nu vaso pure ‘a morta.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese