Dialettali 12 maggio 2021 · lettura 1 min · 1011 letture

+ Segui

E quanno ‘a sera vene a dì ca ‘a notte s’è misa dint’o lietto a suspira’ ’o core fa ‘o smargiasso e se ne fotte e canta sulamente pe’ sbampa’. E appena dint’o scuro siente ‘e lotte ’e chi ‘a paura cerca ‘e secuta’ ’a smania t’accarezza l’osse rotte e parla pe’ ‘ntramente pe’ paria’. E tu ca sì na varca assaje sbattuta attienne ancora ‘o mare pe’ vuca’ ma comme ‘a vocca corre a cerca’ aiuto e ‘a recchia nun risponne e vò scria’ allora sta jurnata ca è fernuta se mette puntualmente a squaquiglia’. Che granna verità! Sta areto a porta pronta pe’ sfulla’ sta bbella ggente ca nun vò smunta’.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese