Dialettali 16 giugno 2021 · lettura 1 min · 1027 letture

+ Segui

’O niente attummato c’o niente parole c’o fummo int’a neglia facimmo na bbella pareglia è zoza e se dice turrente. Na lengua cusuta int’a vocca ca parla c’o viento falluta nu cielo c’a terra ‘mpazzuta ca sonna e s’addorme c’a sprocca. Nu sango ca tremma int’e vene scucciato d’o munno e d’a ggente ca è scura e se penza lucente e scorre spezzanno ‘e catene. Na mano ca scrive ‘mpauruta nu core ca fa ‘a signurina na panza ca pare strascina e ‘a rraggia ca ‘o bbene secuta. E tutta sta sboria fernesce c’o tiempo e c’a storia ‘ntramente ca canto e cammino c’o niente passato ca more e po’ cresce.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese