Dialettali 21 luglio 2021 · lettura 1 min · 1168 letture

+ Segui

Lettere e vase pe ‘nzavaglia’ lettere spase pe nun scurda’. Lettere e sguiglie p’ave’ nu spunto pe da’ muniglie pe fa’ nu cunto. Quatto parole chiene ‘e sapore ca a chesta vita danno calore a quacche chiocca ronna e lapposa quanno chi ‘a legge fa ‘a vummecosa. Lettere e carte cu ‘e poco ‘e limma lettere e arte pe’ fa’ na rimma. Lettere e ‘nzogna p’affattucchia’ lettere e rogna pe’ te scuita’. Quatto parole pe di’ presiento si sì pigliato d’o ‘ncantamiento o pecché ‘o pietto bruscia e s’appiccia quanno na faccia sta vita smiccia. Lettere ‘e fuoco ‘e ghiaccio lucente scritte c’o sango e c’o sciato d’a ggente. Lettere ‘e ogge ajere e dimane scritte c’o core e ausanno sti mmane.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese