Dialettali 18 agosto 2021 · lettura 2 min · 1047 letture

+ Segui

Sta scola si putesse di’ quaccosa parlasse a botta ‘e anne senza posa e fosse storia vera sacrosanta no chella ca credimmo tutte quante. Storia ‘e guagliune ca nun so’ nisciuno ca se fermano ‘nfaccia a sta sagliuta si nun ce sta na mano ca l’aiuta. Storia ‘e criature ancora troppo crure ca cresceno sapenno ‘e nun sape’ si ‘a vita è nu turmiento o nu cafè. Storia di gente cu tanta ‘e carta scritta: che Tizio Tazio è un grande allitterato... che Caia Sempronia tra mille è ‘a cchiù scienziata... e ca perciò ce vole ‘a classe eletta ca quanno avrà fernuta esce PERFETTA! Nun fa niente si po’ ‘a munnezzaglia dint’a na stalla egregiamente raglia. E allora sì che c’è alluminazione per cui lo quale ragione o nn ragione ’o guaglione ‘mpara overamente (pure chillo ca nun sapeva niente) che è sacrosanto restare tale e quale... E se la sorte ti ha trattato male fa parte del gran gioco della vita: na vota a me e... n’ata vota a... me... Chi ha avuto... ha avuto e chi ha dato: TIE‘!

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese