Dialettali 1 settembre 2021 · lettura 1 min · 1016 letture

+ Segui

E chesta è na cantata senza voce ca saglie strafuttente ‘a dint’a panza vulenno scancella’ chella mancanza ca cerco ca nun trovo e nun’è doce. E chesta è na speranza ormaje scaduta ca è sora po’ m’è frate e po’ m’è mamma ca tene sempe sete e sempe famma e va pe’ chesti strate ‘agliummaruta. E fosse serenata o nu lamiento t’a canto c’a passione ‘e nu limone ca abbruscia e sciacqua lengua e cannarone arriva o nun arriva: è sbattemiento. E tu me siente e ‘a recchia toia nun crere nun vò stagna’ e manco vò ‘mpazzi’ cercanno dinto e fora ‘e nun ‘nzurdi’ e addò teneva ‘a capa ce sta ‘o pere. E vene ‘nnante e areto passo passo cuntento e assaie scucciato ‘e sta miseria ca dint’a chiocca pare na pauperia e allora canto ancora e assaje me ‘ngrasso.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese