Dialettali 8 settembre 2021 · lettura 2 min · 936 letture

+ Segui

Tu dice ca sta capa n’arraggiona ca nun ce sente e nun te pare bbona ca va piscanno dint’o strafalario ‘o poco ‘e ‘nzogna pe pute’ sfila’ ma essa sola e annura vò stagna’. È stanca notte e juorno ‘e sta menesta ca ‘nce arravoglia ‘a chiocca e pure ‘o core ca s’annasconne orfano ‘e ll’ammore e dato ca sul’essa canta e sona se piazza ‘ncoppa ‘e corne e me ‘ncorona. Tu dice ca ‘a furtuna mette ‘e lente ca ‘a sciorta nasce e more stantemente ca ‘o suonno pe fa’ ‘o juorno cerca ‘a via e visto ca stu munno è na buscia dille ca ‘e fatte nun ‘e po’ cagna’. E campa canta e sona chesta vita smurfiosa comme ‘a faccia cchiù pulita cucente comme ‘e ragge ‘e sta miseria ca resta areto ‘e laste ‘e na fenesta speranno ca dimane cagna ‘a festa. E sona canta e afferra chesta vita ca t’addeventa croce e calamita pennente comme ‘a freva ca me piglia ‘nfaccia a stu tiempo chiaveco e ‘mpicciuso ca è scigno stuorto sciascio e vummecuso.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese