Dialettali 15 settembre 2021 · lettura 1 min · 1122 letture

+ Segui

E ‘a rosa ca sta chiusa int’a stu core s’arape pe’ dà famme e tant’ammore e ogge dice sì pe’ tutt’a vita senz’aspetta’ chi ‘a chiamma e chi t’a ‘mmita. E ‘a rosa ca s’è miso ‘mbraccio a te è sole ca te scarfa e ca t’allumma è bbene ca na casa te sprefumma è sciorta ca tu sulo può tene’. E ‘a rosa ca se schiude int’a sti mane t’appara ‘a meglia strata e va luntano e t’enchie notte e juorne c’o piacere ‘e chi strascena ‘e passe e no ‘e penziere. E ‘a rosa ca suspira “Tengo voglia” è porta addo tu sulo può trasi’ è sciorta ca giammaie te po’ ferni’ è tiempo ca te veste e t’arravoglia. E ‘a rosa ca te saglie chesti scale è pasta fatta ‘e sango e carna fina ca addora ‘e grano nuovo ogne matina è ‘a stella cchiù lucente e origginale.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese