Dialettali 29 settembre 2021 · lettura 1 min · 1097 letture

+ Segui

Facette ‘o core “Ie songo nu pezzente!” L’anema rispunnette: “Puvuruiello, nun cagna’ faccia nun te fa laviello! ‘A vita è na patana addecuttuta cucente scanuscente e ‘ncarugnuta ma si ce miette ‘o poco ‘e dignità statte sicuro nun te rascagna’. Tu sbatte comme ‘o viento juorno e notte ma ‘e vote tu addeviente asciuttavotte. Fatte canzone e fa sceta’ ‘o guaglione.” ‘O core s’a guardaie nu poco ‘e smerzo: “ ‘O sento ‘o veco ‘o dico è tiempo perzo! Tu vaje sbarianno senza spremmenta’ sapenno sulamente spurmuna’ stu tiempo che se guarda sulo areto mente me sbatte comme a nu tappeto int’a sta guerra armata ‘e seccentone addò me manca ‘o sale e no ’a raggione ma statte certo... saccio c’aggia fa’ ca tutto ‘o rriesto fummo turnarrà!” L’anema ce penzaje e ‘nfratto e sfratto fernette e ‘o licenziaie: “Sì scaravatto!” ’O core se facette na resata "Tu invece nun sì porta... sì na strata!"

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese