Dialettali 3 novembre 2021 · lettura 1 min · 1220 letture

+ Segui

Quanno servono ‘e parole vocca e penna vanno a scola songo ‘e fronne ‘e nu giurnale sempe ‘o stesso tale e quale ‘ncopp’a carta ‘e chesta vita vrenzelosa comm’a zita. Quanno servono ‘e parole chistu core è tiramole e c’a chiocca pe’ cummara t’addeventa farenara ‘mpasta ‘o bbene e dà cunziglie e te scose mamme e figlie. Quanno servono ‘e parole senz’ave’ na ventarola passe ‘o gesso ‘nnant’e porte e pazzie cu ‘e cose storte e te piace ‘e palpetia’ pecché ‘a vocca piglia e dà. Ma si servono pe’ niente me sto zitto bella gente e sta vocca stregne ‘e mole e cammina a settesole pe’ chi accorcia na cammisa pe’ chi conta palle e risa pe’ chi accatta e venne ‘a sboria pe’ chi canta l’ave e gloria pe’ chi è bbuono e fa ‘o malato pe’ chi ‘a sciorta è sublimato pe’ chi campa pe’ campa’ e se scoccia ‘e arrecenta’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese