Dialettali 17 novembre 2021 · lettura 1 min · 924 letture

+ Segui

Vulesse dà nu schiaffo a sta miseria ca tanta ggente chiamma umanità ma nun me pare affatto ca ‘a materia è bbona sta jastemma a spulleca’. O primma o doppo ‘a vita te fa scola e corre tutte ‘e juorne p’appara’ ‘a vocca cu na granne mussarola capace e te defendere e turnia’. Vulesse ogne matina ave’ ragione putenno chistu munno attumpagna’ ma ‘e passe nun se fanno maje tezzone e l’acqua scenne ‘a cielo pe’ scava’. O primma o doppo adduvinammo ‘a rimma pe cosere sta sciorta ca nun va’ speranno ca po’ doppo sta suzzimma scumpare mie’e ‘e strate e fa sciallà? Vulesse e si putesse t’o facesse ogge e dimane pronto a te cerca’ na vita senza ruzza e senza allesse cuntento ‘e te puterte accuntenta’.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese