Dialettali 1 dicembre 2021 · lettura 2 min · 1313 letture

+ Segui

Natale è na prumessa Natale è na parola ‘o meglio verbo ‘e Dio ca ‘a sempe te fa scola e dice: “Tu sì ‘o mio!”... T’ha miso int’a nu piatto ‘o sanghe e ‘a carna soia pe da’ a’ mancanza ‘o sfratto pe da’ a ll’ammore ‘a foia. Natale enno priezza Natale è ‘mpustatezza ‘o scialo ‘e chistu munno ca tira prena ‘a rezza luttanno c‘o sprufunno... E chesta notte ‘e spanto ca vene ‘a coppa ‘o cielo t’allumma e te fa santo c’o sole ‘e int’o Vangelo. Natale è na speranza Natale é Ma Maria na mamma assaie biata ca segna chella via ca ‘o niro e ‘a morte scanza... E po’ te dà arricietto e po’ te dà nu pate pecché te porta ‘mpietto pecché nuje simmo frate. Natale è nuvità Natale è sempe ‘o stesso... Enno ‘a venuta ‘e Cristo ca scenne a te sarva’ purtanno ‘o sale e ‘o scisto... E sta nutizia nova nun sta ‘ncoppa ‘o giurnale... Se legge e nun se trova scuntanno ca è speciale. E allora chiamma ‘a gente chiammalla a tutta voce e dille alleramente: “È nato chi sta ‘ncroce... È nato chi ha già dato, chi ‘a vita t’ha smerzato! È nato chi è ricchezza è nato chi è certezza! È nato ‘o cerasiello... è nato ‘o Bammeniello!”

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese