Rosa nera
Peppe Cassese
2167 poesie pubblicate
+ Segui
‘A vita quanno vene a taccaria’
se monta se ‘ncapriccia e fa ‘a schiattosa
e ogge t’ha rialato oi ne’ na rosa
nera ca pogne ‘mpietto e da’ dulore
e tu ‘ncartata attuorno a chistu sciore
te siente ‘a cchiù fetente disgtaziata
e pienze ca è na mala ventecata.
‘O cielo ca sparmava luna e stelle
s’è miso a scarpisa’ sta faccia bella
e l’uocchie ca pittavano nu suonno
vanno cercanno ‘a luce e cchiù nun vonno
piglia’ na strata ca s’è fatta ‘nfosa
e trovano ddoje spine attuorno ’a rosa
ca stanno senza scuorno a te sceppa’.
‘O core sbatte e dice ca è presento
e ‘a chioccaa nun s’arrenne nu mumento
speranno ca dimane ‘o primmo sole
se n’esce stralucente ‘a sta caiola
e torna cu priezza a te scarfa’.
Ma ‘o munno nun se ferma peccerè
e gira strafuttente senza ‘e te!
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
La bacheca della poesia
Le sensazioni lasciate dai lettori.
Triste ma un vero incanto, (Tonia La Gatta)
Una napoletana di prima classe. (Giuliano Esse)
Numero uno napoletano. (Giuseppe La Marca)
Commenti (1)
Accedi per lasciare un commento.Accedi
G
Giuseppe La Marca21 gennaio 2022
Una napoletana dura e malinconica che parla, se non sbaglio, di una ragazza colpita da un brutto male (rosa nera) e che lotta contro di esso con tutte le sue forze, mentre il mondo sembra assistere indifferente alla sua storia. Non grande ma grandissima e impreziosita dalla musicalità della lingua napoletana.