Dialettali 2 febbraio 2022 · lettura 1 min · 791 letture

+ Segui

Te porta addò vuò tu... addò’ te piace Nannina ‘a sperciatella è na furnace cu ‘e mane ca t’astregnono smaniose cu’e bracce ca so’ spine senza rose. Te tene tanto stritto ca ‘o piacere se sceta e t’addenta bersagliere e corre ‘nnante e areto cu na ‘nziria ca pure ‘a malasciorta sente mmiria. Te piglia e te guverna cu tal’arte ca ‘o core zompa allero e se ne parte e arriva addò vuò tu chiammanno ammore ‘ncoppa a stu lietto ‘e fuoco a scialacore. E quanno po’ ha fernuto canta e sona ‘a meglia serenata e nun te stona cu chella voce ca na festa pare cu tutt’e lanternelle miez’o mare. Nannina ‘a sperciatella spenne ‘o bbene ca zompa ride e chiagne dint’e vene e ‘a freva se ne fuje int’a matina pecché staje certo: essa è mmedecina!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese