Dialettali 16 marzo 2022 · lettura 1 min · 1449 letture

+ Segui

Essa é fatta c’a cimmosa é na femmena zuzzosa! Essa é nata senza mamma é na caspita ‘e madamma! Essa é merca e vó ‘nzurda’ é capace ‘e te ‘nchiacca’! Nuie cca simmo acqua e vino prete nate int’o casino facce nove corna antiche doce e molle comme a fiche c’a speranza ‘e accumpare’ pazze scazze spuorche e rrè. Isso joca cu ‘ e parole c’hanno fatto poca scola! Isso é sulo accurdatura va sbarianno c’a paura! Isso cerca ‘e semmena’ tutto ‘o fele ca ce sta! Vuje parite assai accapate figlie e pate disgraziate! Vuie sunnate ogne matina già ‘mbriache int’a cantina! Vuie cantate pe’ scuccia’ chesta vita e sta città! Nuje ‘o dicimmo cu sta freva ca è capace ‘e quaglia’ ‘a neva! Nuje ‘o sapimmo pe’ pietà ma putimmo semmena’ e ‘nchiudimmo sta cantata pe’ ferni’ cu na sceriata. Ogge a te dimane a me primma o doppo ‘a scumpare’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese