Dialettali 27 aprile 2022 · lettura 1 min · 1239 letture

+ Segui

Songo ‘a signora ‘e sotto reggina e prencepessa pecché cu sta badessa ca è tutta naturale te siente cchiù carnale e quanno busse e trase cu tanto ‘e magaria t’arape ‘a meglia via cusennola azzeccosa attuorno a chesta cosa ca tosta comme a preta te dà fucore e spanteco durcezza e forza nova pecché sulo chi ‘a prova n’è cacchio ‘e s’a scurda’. Songo ‘a signora ‘e sotto marpiona e chiacchiaressa pecché chesta purpessa ca è sempe terriacale è n’ata è tale e quale ma quanno sta pignata se sceta arrecentata se fa taccagna e spina e allora nun è cosa pecché pe sta sciantosa nun truvarrai muneta nun scuprirrai puteca ca è cacchio ‘e t’a ‘ntamma’ pecché essa t’arape sulo si ce saie fa’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese