Dialettali 1 giugno 2022 · lettura 1 min · 889 letture

+ Segui

E quanno stuto ‘a capa e appiccio ‘o core ‘o cielo ‘e chesta stanza se culora e ‘o tiempo ca apparava na mal’ora se mette a risciata’ pe’ da’ calore. Ma quanno po’ ca ‘o core stuta ‘a chiocca ‘a vita p’o scunnietto nun s’arape e ‘a gente all’intrasatta cchiù nun sape si ‘o piello tene ‘e corna o meza vocca. E quanno ‘o tiempo perzo s’arretira me metto na cammisa ‘a cchiú sciccosa cercanno ‘e me ‘ngrifa’ cu sta piatosa c’addora ca sta vita mia nun gira. Ma quanno dint’o scuro nun me siente sta a di’ ca tu sì sorda e no malata e io ca faccio ‘e notte sta cantata me ‘ngegno a sciaveca’ senza strumiente.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese