Dialettali 30 novembre 2022 · lettura 1 min · 798 letture

+ Segui

Sì stata rosa ‘e fuoco nu mumento ma comme prufumave ancora ‘o sento e ‘a smania ca me volle ‘e vote‘nzino è chella ca schiuccava int’a matina. Sì stata na jurnata ‘e sole ‘e maggio ma ‘o cielo m’ha scippato ‘o meglio raggio e straccia e me maltratta chistu core ca conta ogne minuto tutte l’ore. Sì stata nu quaderno squinternato e ‘a penna cchiù nun scrive e s’è ‘mperrata e mette ‘ncopp‘a carta suonne e verze ca dint’a chesta chiocca se so’ perze. Sì stata na tempesta chiena ‘e luce e ‘o lampo quanno è notte ancora brucia e attenne ca se carma sta janara ca m’è custata tanto e tanto è amara. Sì stata na staggione piccerella ma ‘o viento m’ha purtato na manella ca nun s’arrenne e nun se fa capace e m’accarezza ‘a faccia e me da’ pace.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese