Dialettali 14 dicembre 2022 · lettura 2 min · 1058 letture

+ Segui

K... l! Era nu juorno ‘e sole valeva quanno ‘a vita ma mente jeve ‘a scola na bomma ‘ntelligente ma ancora cchiù fetente ‘e cosce m’ha spezzato. E mo’ int’a stu lietto nun trovo cchiù arricietto penzanno ca ‘a dimane ie tenco sulo ‘e mane. I... d! Cu ‘e mane int’a jurnata e meza tazza ‘e riso io cose sei pallune e maje ci aggio jucato. A unnece anne esatte d’a vita io so’ surdato e ‘a stongo cumbattenno ‘a quanno mamma mia pecché ne simmo troppe m’ha miso miez’a via. N... i! Sta via ca porta ‘a scola n’a pozzo cchiù scurda’. E’ ccà ca nu signore vulennese spassa’ me dette ‘e caramelle. Po’ me purtaie a casa e me pigliaie sti mane. A tanno so’ signato e ‘ncoppa a pella mia ’a vita aggio ‘mparato. ’A vita a sti criature ci ha dato poco e niente scuprenno comme è cruro a sta cu certa gente. Na storia fatta ‘e tuorte tre sciorte disgraziate nu munno ‘e disperate ’e famme appesa ‘a morte ’e sole senza core ’e vie senza calore. Guagliò si ‘a bbona sciorta t’ha dato tanti cose ’e vote basta poco pe’ da’ na mano a l’ate ca pe’ disegno ‘e Dio so’ nate sfurtunate!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese